Aurangzeb ka khet...

Calcutta- Kanpur- Bindki-Delhi-Calcutta 7th March – 14th March 08

“The road of life twists and turns and no two directions are ever the same. Yet our lessons come from the journey, not the destination.” Don Williams, Jr

Kanpur station .

Life Luxury and style...

Bindki, Kanpur ,Uttar Pradesh, INDIA.

Dhool ke gubbarey ,neele amber mein tairtey hue jinki dhoori pe subah ki jhilmil raushni theharne ki koshis kar rahi thi...phisalti thi bathti thi phir phisalti thi...Neend khuli to mayurpankhi apne hi dhun mein kuch keh kar matak matak kar chal rahi thi hare bhare khet mein soch raha tha jaldi se camera nikalun phir sochne laga kahin in palon ko hamesha qaid karne ki chah mein inhe kho na doon. khuch der mein mor nach kar chale gaye... our mera dil mange more kehta raha. 

Dopahar ko hum  Surendra ji ke Dhan ke khet dekhne nikal pade... Dhan ke khet kinaron pe pagdandiya aur pagdandiya pe hum.Unpe chalte chalte ungliyon se lehlahate gehun ke sheesh ko ungliyon se cheda to badan mein ek sihran si hui aur sehsa laga jaise payal ki jhankar se goonj utha amber .
Sach aasman ka odhna sir pe,aur ye fasal hi to hai meri dharti ka gehna, payal,ye sone jaisey gehun ke payal pehne itrati khelti dharti meri maa Söna ugalti hai.

kuch door pe Matar ke ped se do matar tod kar Shribas chacha ne jab barah dane hare motiyon jaise kanishk ke hantheli mein dale to uski ankhen ascharya se bhar gayi thi .
Aur usne pucha uncle inhey ugane ke liye kitna mehnat karna hota hai ?
Aise na jane kai anginat prashna man me liye maiaur  Kenny chale ja rahe they apni rah pe .yehi hai Bindki jahan Savita Mausi rehti hai Kenny ne poocha ,Par usne jawab ke liye intezar nahi kiya Chalta raha apne prashno ko kandhey pe liye.

kanpur, jahan se hum aaye they kal ki sham, I sarvadhan samapann parivar ke dawat se. Unke ghar arson baad ek santan ne Janm liya tha aur hum kalkatta se unke samaroh mein kuch meethaas gholne aye the. Gazab ki party thi bhai saab par  us sham ki rangeen yaadein ...Sitaron ki ki chaka choundh , saaj sajja i  atyadhunik gadiyan aur mehangi videshi cigar se nikalta hun deshi dhuan khoobsoorat balayen un sab ki yaad  in chamkeeli dhool mein dhumil ho gayi thi. Moulin Rouge ki item dance rojmarra ki items mein kho gayi thi.
Ek taraf itna kuch jahan sab kuch atirikt tha aur ek taraf ?? . . Rikt...Sab kuch rikt. 
Bijli kab aayegi pata nahi ,Pani kab ayega pata nai Kuch bhi pata nai tha Pata tha to bus itna ki kuch khali khali sa hai is gaon mein
aur bharapura kuch hai to vo hai bus man aashaad se bhara man.Ummed se bhara man.

Gehun aur chawal ke boriyon pe chad kar aasman ko choone ki koshish karte baccha khus to hai . .
Par ye nai jaante ye boriyan bik chuki hai . . Subah yahan phir maidan hoga . . Nai hogi unchai jahan se aasman se tare todney ke khwab dekha karte hai . . .

khwab auragzeb ne bhi dekhe the sabse uncha uthne ka jahan se wah sare viswa mein hukumat kar pata . . . Bindki ka Yeh khandahar ye avsesh to yahi kehte hai . . .
khajua ka yeh kila jahan kabhi parindey bhi par nai mar sakte they aaj gaon walon ki khet ka hissa hai kya pata in kisanon mein kitne

Aurangzeb chupe hai maine bina ijazat kuch jwar ke sheesh tod liye,Aurangzeb hota tau puchta na aur waise bhi kisi ko khush karne ki chahat mein  kuch kar gujarne ka maza hi aur hai...

Aise hi khatti meethi yadein liye chal hi raha tha tabhi raste mein ek takht dikha jis pe likha tha Bawan imli 2 kilometer khati imli suna tha.
Imported meethi imli suna tha Bawan imli ? ? Ruk gaya aur dheeme dheeme us ped ki or chalne laga jirn sirn sa ek bhooda ped  Jise dkhte hi rongte khadey ho gaye aur aankhein geeli ho gayi aas pas koi nai tha na ko maali na darwan par aisa laga koi hai Bahut log hai aur shayad in sab logon ki aansuwon ne hi ab tak is imli ke ped ko seeche rakha hai Sradha suman se mera matha khud ba khud nat mastak ho gaya aur muh se nikal pada inqilab zindabad inqlab zindabad yahan vo jagah hai jahan mutthi bhar angrezon ne hamare bawan swadhinta sangramiyon ko berehmi se sooli pe latka diya tha 1857 ke pehle swadhinta sangrami yun to imli khati meethi hoti hai par is imli ka khoon mere rago me hai aur iska swad mere bharat jaisa hai Vande matram.

Jai hind. . .
Raj @ 14th March 2008 .

Written By - Rajesh Gupta ,The Lensocrat on 05 Jul, 2020
Rajesh Gupta Photography
Rajesh Gupta Photography
Hi there,
How can I help you?
Start Chat
Loader

Loading...